«Al-Hilol» klubining yangi a’zosi Karim Benzema Saudiya Arabistoni chempionatining 21-turidan o‘rin olgan «Al-Oxdud»ga qarshi bahsdagi yirik g‘alabadan so‘ng o‘z fikrlarini bildirdi. Jamoa 6:0 hisobida g‘alaba qozondi, fransiyalik hujumchi esa xet-trik qayd etdi.
«Jamoa bilan faxrlanaman. Yaxshi qabul va qo‘llab-quvvatlov uchun katta rahmat», — deyiladi 38 yoshli to‘purarning ijtimoiy tarmoqlardagi xabarida.
Benzema «Al-Hilol» bilan 2027 yilning iyun oyi oxirigacha amal qiladigan mehnat shartnomasini imzolagan.
Saudiya Arabistoni chempionatining joriy mavsumida Karim 15 ta uchrashuvda maydonga tushdi. Fransiyalik futbolchi o‘z hisobiga 11 ta gol va bitta golli uzatmani yozdirib qo‘ydi.
