"Manchester Siti" Premyer-liga doirasidagi "Liverpul"ga qarshi safar o‘yiniga tayyorgarlik ko‘rmoqda. Juma kuni bo‘lib o‘tgan matbuot anjumanida "shaharliklar" bosh murabbiyi Xosep Gvardiola jamoadagi kadrlar bilan bog‘liq vaziyat haqidagi savollarga javob berdi.
"Bernardu Silva qaytadimi? Hozircha bilmayman. Ertaga mashg‘ulotda ko‘ramiz. Diash? U qaytdi. U maydonda qanchadir vaqt harakat qila oladimi yoki yo‘q — buni ko‘rib chiqamiz. Bu biz uchun yaxshi yangilik", — dedi Gvardiola jurnalistlarga.
"Liverpul" va "Manchester Siti" o‘rtasidagi "Enfild"dagi to‘qnashuv 8 fevral kuni Toshkent vaqti bilan 21:30 da boshlanadi.
