Madridning “Real” va Londonning “Chelsi” klublarida to‘p surgan sobiq futbolchi Eden Azar kelajakda “Chelsi” bosh murabbiyi sifatida Sesk Fabregasni ko‘rishni istayotganini aytdi. Bu haqda Dazn nashri xabar bermoqda.

“Men yozda Fabregas bilan bir oz gaplashdik. U tarixdagi eng yaxshi yarim himoyachilardan biri va kelajakda kuchli murabbiy bo‘lishiga ishonaman. Men unga ‘Chelsi’ga qaytish vaqti kelganini aytdim. U buni hazilga oldi, lekin men jiddiy aytdim. Men ‘Chelsi’ muxlisiman va klubga eng yaxshisini tilayman. Shuning uchun Seskni jamoa boshqaruvida ko‘rishni xohlayman. O‘zim esa tribunada o‘tirib, uning ishidan zavqlanardim”, deydi Azar

Ma’lumot uchun, hozirda Sesk Fabregas Italiyaning “Komo” klubida ishlamoqda. Hozirda ispaniyalik mutaxassis boshqaruvidagi jamoa Italiya A Seriyasi turnir jadvalida 41 ochko bilan 6-o‘rinni egallab turibdi.

Avvalroq Fabregas Angliyaning boshqa bir jamoasi — “Manchester Siti”ni boshqarishi mumkinligi haqida ham xabarlar tarqalgan edi. Agar Pep Gvardiola “shaharliklar”ni tark etsa, asosiy nomzod aynan ispaniyalik mutaxassis asosiy nomzod bo‘lishi aytilgandi.