Milanning "Inter" klubi o‘ng qanot himoyachisi Denzel Dyumfrisning "Liverpul"ga transferi amalga oshmadi.

"Qizillar" 29 yoshli futbolchini jarohati tufayli safdan chiqqan Jeremi Frimpongning o‘rnini to‘ldirish uchun ustuvor variant sifatida belgiladi. "Liverpul" yanvar oyida "neradzurrilar" lateralini sotib olish imkoniyatini jiddiy ko‘rib chiqayotgandi va milanliklar allaqachon futbolchini sotishga tayyor edi, ammo yakunda ingliz grandi tashabbusi bilan bitim bekor qilindi, deb yozadi jurnalist Paskuale Guarro.

Mersisaydliklar Dyumfrisdan voz kechishdi, chunki u jarohat olgan va bir necha haftadan keyin tiklanishi kerak edi va klub darhol o‘ng qanot himoyasini kuchaytirishi kerak edi.