«Liverpul» markaziy himoyachisi Virjil van Deyk APL 25-turi doirasidagi o‘zaro uchrashuv oldidan «Manchester Siti»ning yulduz hujumchisi Erling Xoland haqida o‘z fikrini bildirdi.
"Erling — aql bovar qilmas hujumchi, men unga qarshi ko‘p yillardan beri o‘ynab kelaman. U zamonaviy hujumchi. U kuchli va tezkor, haqiqiy goleador. Unga qarshi turish oson bo‘lmaydi", — deya niderlandiyalik futbolchining so‘zlarini keltiradi «Sky Sports».
«Liverpul»ning «Manchester Siti»ga qarshi o‘yini ertaga, 8 fevral kuni «Enfild» stadionida bo‘lib o‘tadi.
Angliya Premyer-ligasining joriy mavsumida 25 yoshli norvegiyalik futbolchi 24 ta o‘yinda maydonga tushib, o‘z hisobiga 20 ta gol va beshta golli uzatmani yozdirib qo‘ydi.
