«Ливерпуль» марказий ҳимоячиси Виржил ван Дейк АПЛ 25-тури доирасидаги ўзаро учрашув олдидан «Манчестер Сити»нинг юлдуз ҳужумчиси Эрлинг Холанд ҳақида ўз фикрини билдирди.
"Эрлинг — ақл бовар қилмас ҳужумчи, мен унга қарши кўп йиллардан бери ўйнаб келаман. У замонавий ҳужумчи. У кучли ва тезкор, ҳақиқий голеадор. Унга қарши туриш осон бўлмайди", — дея нидерландиялик футболчининг сўзларини келтиради «Sky Sports».
«Ливерпуль»нинг «Манчестер Сити»га қарши ўйини эртага, 8 февраль куни «Энфилд» стадионида бўлиб ўтади.
Англия Премьер-лигасининг жорий мавсумида 25 ёшли норвегиялик футболчи 24 та ўйинда майдонга тушиб, ўз ҳисобига 20 та гол ва бешта голли узатмани ёздириб қўйди.
