"Barselona"ning 18 yoshli yarim himoyachisi Mark Bernal Ispaniya chempionatining 23-turidan o‘rin olgan "Malyorka"ga qarshi uchrashuvdan so‘ng o‘z fikrlarini bildirdi. O‘yin kataloniyaliklarning 3:0 hisobidagi g‘alabasi bilan yakunlandi, Bernal esa gollardan biriga mualliflik qildi.

"Men juda xursandman. "Barsa" safidagi ilk golim — bu o‘zgacha voqea. Men bo‘sh joyni ko‘rdim va o‘ng oyoqda zarba bermoqchi edim, lekin Maffeoni ko‘rib, yo‘nalishni o‘zgartirishga va chap oyoqda zarba berishga qaror qildim. Maskarel to‘pga tegib ketdi, lekin bu baribir ta’riflab bo‘lmas quvonch. Bu bolalikda hatto tasavvur ham qilib bo‘lmaydigan orzu", — deya Bernalning so‘zlaridan iqtibos keltirmoqda Marca.

"Men eng yaxshi formadaman. Asta-sekin o‘yin amaliyotiga ega bo‘lyapman va undan maksimal darajada foydalanishga harakat qilyapman. Klubdagi eng muhim narsa — bu futbolchilar o‘rtasidagi munosabatlar. Raqobatga qaramay, hammamiz bir-birimiz bilan juda yaxshi chiqishamiz", — deya qo‘shimcha qildi Bernal.