«Barselona» bosh murabbiyi Xans-Diter Flik La Liga doirasida «Malyorka»ga qarshi kechgan o‘yinda (3:0) Lamin Yamalning ko‘rsatgan o‘yini haqida o‘z fikrlari bilan o‘rtoqlashdi.

18 yoshli vinger uchrashuvning 61-daqiqasida darvozani ishg‘ol qilib, hisobni 2:0 ko‘rinishiga keltirdi, 78-daqiqada esa uning o‘rnini Runi Bardji egalladi. Ko‘p o‘tmay, kataloniyaliklar Mark Bernalning sa’i-harakatlari bilan uchinchi golni kiritishdi.

«Birinchi bo‘limda Yamal eng yaxshi o‘yinini ko‘rsata olmadi, ammo tanaffusdan so‘ng ancha kuchli ko‘rindi. Lamin o‘yindan zavq olmoqda, biroq biz uni almashtirishga qaror qildik, chunki payshanba kuniyoq navbatdagi o‘yinimiz bo‘lib o‘tadi», – deya Flikning so‘zlaridan iqtibos keltirmoqda «Barca Universal».