«Барселона» бош мураббийи Ханс-Дитер Флик Ла Лига доирасида «Мальорка»га қарши кечган ўйинда (3:0) Ламин Ямалнинг кўрсатган ўйини ҳақида ўз фикрлари билан ўртоқлашди.
18 ёшли вингер учрашувнинг 61-дақиқасида дарвозани ишғол қилиб, ҳисобни 2:0 кўринишига келтирди, 78-дақиқада эса унинг ўрнини Руни Барджи эгаллади. Кўп ўтмай, каталонияликлар Марк Берналнинг саъи-ҳаракатлари билан учинчи голни киритишди.
«Биринчи бўлимда Ямал энг яхши ўйинини кўрсата олмади, аммо танаффусдан сўнг анча кучли кўринди. Ламин ўйиндан завқ олмоқда, бироқ биз уни алмаштиришга қарор қилдик, чунки пайшанба куниёқ навбатдаги ўйинимиз бўлиб ўтади», – дея Фликнинг сўзларидан иқтибос келтирмоқда «Barca Universal».
