"An-Nasr" hujumchisi Krishtianu Ronaldu klubdan ketish haqida jiddiy o‘ylamoqda. Portugaliyalik futbolchining ishonchi komilki, Saudiya Arabistoni Davlat investisiya fondi jamoani chempionlik imkoniyatidan mahrum qilish uchun klubning transferlarini ataylab barbod qilgan. Bu haqda "The Touchline" nashri Saudiya ommaviy axborot vositalariga tayanib xabar bermoqda.
41 yoshli futbolchi "Al-Hilol" foydasiga qilinayotgan yon bosishlardan va adolatsizlikdan norozi. Agar forvardning e’tirozlariga quloq solinmasa, u joriy mavsum yakunlanishi bilan, kelayotgan yozda chempionatni tark etadi.
Krishtianu Ronaldu yuqorida keltirilgan sabablarga ko‘ra jamoaning oxirgi ikkita o‘yinini o‘tkazib yubordi. Aftidan, futbolchi hozircha maydonga qaytishni rejalashtirmayapti.













