"Ан-Наср" ҳужумчиси Криштиану Роналду клубдан кетиш ҳақида жиддий ўйламоқда. Португалиялик футболчининг ишончи комилки, Саудия Арабистони Давлат инвестиция фонди жамоани чемпионлик имкониятидан маҳрум қилиш учун клубнинг трансферларини атайлаб барбод қилган. Бу ҳақда "The Touchline" нашри Саудия оммавий ахборот воситаларига таяниб хабар бермоқда.
41 ёшли футболчи "Ал-Ҳилол" фойдасига қилинаётган ён босишлардан ва адолатсизликдан норози. Агар форварднинг эътирозларига қулоқ солинмаса, у жорий мавсум якунланиши билан, келаётган ёзда чемпионатни тарк этади.
Криштиану Роналду юқорида келтирилган сабабларга кўра жамоанинг охирги иккита ўйинини ўтказиб юборди. Афтидан, футболчи ҳозирча майдонга қайтишни режалаштирмаяпти.
