"Manchester Yunayted" sardori Brunu Fernandesh jamoaning so‘nggi natijalari haqida o‘z fikrini bildirdi. "Qizil iblislar" Premyer-liganing oxirgi to‘rtta o‘yinida g‘alaba qozonishdi va hozirda to‘rtinchi o‘rinni egallab turishibdi.

"G‘alaba qozonganimizda ishonchimiz borgan sari ortib boradi. Diqqatni saqlab qolish va haddan tashqari hotirjamlikka berilmaslik juda muhim. G‘alaba qozonish yoqimli, ammo buni davom ettirish kerak. Agar keyingi safar g‘alaba qozona olmasang, yana o‘zingni noqulay his qiladigan joyingga qaytasan, ishonchni yo‘qotasan va qilgan barcha ishlaringga shubha qila boshlaysan. Asosiy e’tiborimiz — keyingi o‘yinda. Biz ketma-ket to‘rtta g‘alabaga erishdik, endi esa beshinchisini qo‘lga kiritishimiz lozim", — dedi Fernandesh "BBC Match of the Day" ko‘rsatuviga bergan intervyusida.

"Manchester Yunayted" navbatdagi o‘yinini 10 fevral kuni safarda "Vest Xem"ga qarshi o‘tkazadi.