"Манчестер Юнайтед" сардори Бруну Фернандеш жамоанинг сўнгги натижалари ҳақида ўз фикрини билдирди. "Қизил иблислар" Премьер-лиганинг охирги тўртта ўйинида ғалаба қозонишди ва ҳозирда тўртинчи ўринни эгаллаб туришибди.
"Ғалаба қозонганимизда ишончимиз борган сари ортиб боради. Диққатни сақлаб қолиш ва ҳаддан ташқари ҳотиржамликка берилмаслик жуда муҳим. Ғалаба қозониш ёқимли, аммо буни давом эттириш керак. Агар кейинги сафар ғалаба қозона олмасанг, яна ўзингни ноқулай ҳис қиладиган жойингга қайтасан, ишончни йўқотасан ва қилган барча ишларингга шубҳа қила бошлайсан. Асосий эътиборимиз — кейинги ўйинда. Биз кетма-кет тўртта ғалабага эришдик, энди эса бешинчисини қўлга киритишимиз лозим", — деди Фернандеш "BBC Match of the Day" кўрсатувига берган интервьюсида.
"Манчестер Юнайтед" навбатдаги ўйинини 10 февраль куни сафарда "Вест Хэм"га қарши ўтказади.
