"Real"ning sobiq himoyachisi Serxio Ramos faoliyatini Fransiyada davom ettirishi mumkin. Bu haqda "Radio Marca" xabar bermoqda.
Manbaning bergan ma’lumotlariga ko‘ra, "Sevilya" o‘z tarbiyalanuvchisini qayta o‘z safiga qo‘shib olish variantidan voz kechgan. Endilikda ispaniyalik futbolchining transferi uchun asosiy da’vogar "Marsel" bo‘lib turibdi.
Serxio Ramosning faoliyatidagi oxirgi klub Meksikaning "Monterrey" jamoasi edi va u ushbu klubni yanvar oyi boshida tark etdi. Hozirda 39 yoshli futbolchi erkin agent maqomida bo‘lib turibdi.
