"Barselona" vingeri Rafinya Dias Cadena SER nashri tomonidan o‘tgan mavsumning eng yaxshi futbolchisi deb topilganiga munosabat bildirdi.
“To‘g‘risini aytsam, men uchun eng muhimi – jamoaviy sovrinlar, biroq agar individual sovrinlar men uchun unchalik muhim emas desam, yolg‘on gapirgan bo‘laman.
Men mavsumim qanday o‘tganini bilaman va bu borada ba’zi adolatsiz narsalar bo‘lganini ham bilaman, lekin bu biz nazorat qila olmaydigan narsa. Har doim aytganimdek, men nazorat qila oladigan narsa maydonda sodir bo‘ladi. Oxir-oqibat, men ovoz berganlar uchun loyiq bo‘lishim kerak.
Men maydondagi harakatlarim bilan javob beradigan odamman, lekin maydondan tashqarida men bu haqda hech narsa qila olmayman. Nima bo‘lishidan qat’iy nazar, men o‘tkazgan mavsumdan mamnunman", - dedi 29 yoshli braziliyalik futbolchi.
