"Барселона" вингери Рафинья Диас Cadena SER нашри томонидан ўтган мавсумнинг энг яхши футболчиси деб топилганига муносабат билдирди.
“Тўғрисини айтсам, мен учун энг муҳими – жамоавий совринлар, бироқ агар индивидуал совринлар мен учун унчалик муҳим эмас десам, ёлғон гапирган бўламан.
Мен мавсумим қандай ўтганини биламан ва бу борада баъзи адолатсиз нарсалар бўлганини ҳам биламан, лекин бу биз назорат қила олмайдиган нарса. Ҳар доим айтганимдек, мен назорат қила оладиган нарса майдонда содир бўлади. Охир-оқибат, мен овоз берганлар учун лойиқ бўлишим керак.
Мен майдондаги ҳаракатларим билан жавоб берадиган одамман, лекин майдондан ташқарида мен бу ҳақда ҳеч нарса қила олмайман. Нима бўлишидан қатъий назар, мен ўтказган мавсумдан мамнунман", - деди 29 ёшли бразилиялик футболчи.
