Ispaniyalik jurnalist Tomas Ronsero «An-Nasr» hujumchisi Krishtianu Ronaldu haqida o‘z fikrlarini bildirdi.

41 yoshli portugaliyalik futbolchi o‘z jamoasining oxirgi ikki o‘yinini boykot qildi — unga klub qanday boshqarilayotgani yoqmayapti. Ehtimol, tez orada hujumchi yana maydonga qaytar, biroq uning Yevropaga qaytishi mumkinligi haqidagi mish-mishlar tinmayapti.

«Krishtianu faoliyatini «Real»da yakunlashi kerak edi. U yerda 42 yoki 43 yoshgacha qolishi mumkin edi. U mingta gol uradi, ammo bu gollarni «Real» safida ham urgan bo‘lardi», — deya «Al Nassr Zone» Ronseroning so‘zlarini keltirmoqda.

Eslatib o‘tamiz, Krishtianu Ronaldu «qirollik klubi»ni 2018 yilda tark etib, «Yuventus»ga o‘tgan edi. 2021 yilda besh karra «Oltin to‘p» sohibi «Manchester Yunayted»ga qaytdi, 2023 yil boshida esa Saudiya Arabistoniga ko‘chib o‘tdi.