Испаниялик журналист Томас Ронсеро «Ан-Наср» ҳужумчиси Криштиану Роналду ҳақида ўз фикрларини билдирди.

41 ёшли португалиялик футболчи ўз жамоасининг охирги икки ўйинини бойкот қилди — унга клуб қандай бошқарилаётгани ёқмаяпти. Эҳтимол, тез орада ҳужумчи яна майдонга қайтар, бироқ унинг Европага қайтиши мумкинлиги ҳақидаги миш-мишлар тинмаяпти.

«Криштиану фаолиятини «Реал»да якунлаши керак эди. У ерда 42 ёки 43 ёшгача қолиши мумкин эди. У мингта гол уради, аммо бу голларни «Реал» сафида ҳам урган бўларди», — дея «Al Nassr Zone» Ронсеронинг сўзларини келтирмоқда.

Эслатиб ўтамиз, Криштиану Роналду «қироллик клуби»ни 2018 йилда тарк этиб, «Ювентус»га ўтган эди. 2021 йилда беш карра «Олтин тўп» соҳиби «Манчестер Юнайтед»га қайтди, 2023 йил бошида эса Саудия Арабистонига кўчиб ўтди.