"Liverpul" bosh murabbiyi Arne Slot futbolchi Vataru Endoning jiddiy jarohat olgani haqida gapirdi. "Sanderlend"ga qarshi o‘yinda yaponiyalik o‘ng qanot himoyachisi vazifasini bajarishga majbur bo‘ldi. Endo ikkinchi bo‘limda zaxiraga olindi.
"Jarohat jiddiy. Qanchalik jiddiy - hozircha bilmaymiz. Bu oyoq jarohati, lekin biz hozircha u yerda nima borligini aniq bilmaymiz. O‘ylaymanki, u uzoq vaqtni o‘tkazib yuboradi", - deya Slotning so‘zlarini keltiradi Goal portali.
"Liverpul" safarda "Sanderlend"ni 1:0 hisobida yengdi. Mersisaydliklar Premyer-liga turnir jadvalida oltinchi o‘rinni egallab turibdi.
