"Tottenxem" klubi o‘zining rasmiy saytida vinger Uilson Odobertning chap tizzasidagi oldingi xochsimon boylami yorilgani aniqlangani haqida e’lon joylashtirdi.
Kelasi hafta 21 yoshli Odobert operasiya qilinadi, shundan so‘ng reabilitasiya jarayoni boshlanadi.
"Tottenxem" Uilson Odobertning tiklanish muddatini oshkor qilmadi. Shu bilan birga, fransiyalik futbolchi uchun 2025/26 yilgi mavsum yakunlangani aniq.
Odatda, "xochlar" jarohatidan kamida yarim yil davolanadi. "Tottenxem" Premyer-liga turnir jadvalida 16-o‘rinda bormoqda.
