«Manchester Siti» bosh murabbiyi Xosep Gvardiola himoyachi Jon Stounsning holati haqida fikr bildirdi. Futbolchi dekabr oyi boshidan beri o‘yinlarda ishtirok etmayapti.
"O‘tgan mavsum ham u uchun qiyin kechgandi... U oxirgi marta «Lids»ga qarshi o‘ynagandi. U allaqachon ikki yoki uchta mashg‘ulotda qatnashdi. Ko‘ramiz, u ertaga o‘ynaydimi va qancha daqiqa maydonda bo‘la oladi", — dedi Gvardiola jurnalistlarga.
Shanba kuni, 14 fevral kuni «Manchester Siti» Angliya Kubogi 1/16 finali doirasida o‘z maydonida «Solford Siti»ni qabul qiladi. Uchrashuv Toshkent vaqti bilan soat 20:00 da boshlanadi.
