Yangi saylovlarda ishtirok etish uchun «Barselona» prezidenti lavozimini tark etgan Joan Laporta o‘z saylovoldi kampaniyasining shiorini taqdim etdi. Bu haqda "sport.es" nashri xabar bermoqda.
Yangi shior avvalgi saylovlarda ishlatilganidan biroz farq qiladi. 2021 yilda Laporta «Biz «Barselona»ni sevamiz» iborasidan foydalangan bo‘lsa, endilikda u «Biz «Barselona»ni himoya qilamiz» deb yangramoqda. Shu tariqa, Laporta saylovchilarga uning shtabidan boshqa hech kim klub manfaatlarini bu darajada himoya qilmasligiga ishora berdi.
Dastlabki nomzodlik taqdimoti 17 fevralga rejalashtirilgan. Saylovlar 15 mart kuni bo‘lib o‘tadi, ungacha Laportaning vazifalari vise-prezident Rafa Yustega o‘tdi.
