«Brayton» klubi kamerunlik yarim himoyachi Karlos Balebaga bo‘layotgan qiziqishlar fonida uning transfer narxini belgiladi.

TEAMTalk nashrining xabar berishicha, «chaykalar» 22 yoshli futbolchi uchun 100 million funt sterlingdan kam bo‘lgan takliflarni ko‘rib chiqish niyatida emas.

Hozirda «Manchester Yunayted», «Chelsi», «Tottenxem», PSJ va «Nyukasl» kabi klublar yozgi transfer oynasi oldidan futbolchini diqqat bilan kuzatib borishmoqda. Biroq «Brayton» o‘z pozisiyasida qat’iy va futbolchining transferidan kamida 100 million funt ishlab olmoqchi.