«Real» hujumchisi Vinisius Junior avvalroq Kilian Mbappe va Jud Bellingemni Madrid klubiga o‘tishga undaganini ma’lum qildi.
«Har yoz Mbappega: "Qachon kelasan?" deb yozardim. Men uning agenti edim (kuladi). Jud Bellingem bilan ham xuddi shunday qilganman. Men g‘alaba qozonish imkoniyati ko‘proq bo‘lishi uchun eng zo‘r futbolchilar bilan birga o‘ynashni xohlayman», — deya Vinisiusning so‘zlarini keltiradi The Touchline.
Ta’kidlab o‘tish joizki, Kilian Mbappe «Real»da ikkinchi, Jud Bellingem esa uchinchi mavsumini o‘tkazmoqda.
«Real» navbatdagi o‘yinini 17 fevral kuni Chempionlar ligasi doirasida safarda «Benfika»ga qarshi o‘tkazadi.
