«Real» ketma-ket to‘rtinchi o‘yinda g‘alaba qozondi.

Alvaro Arbeloa jamoasi Chempionlar ligasi pley-off bosqichida «Benfika»ni mag‘lub etdi (1:0). Bungacha «Sosyedad» (4:1), «Valensiya» (2:0) va «Rayo Valyekano» (2:1) jamoalari taslim etilgan edi.

Barcha turnirlardagi so‘nggi sakkizta o‘yinda madridliklar yettita g‘alabaga erishishdi. Yagona mag‘lubiyat — Chempionlar ligasi umumiy bosqichining so‘nggi turida «Benfika»dan qabul qilib olingan (2:4). O‘sha bahsda darvozabon Anatoliy Trubin gol urishga muvaffaq bo‘lgandi.

21 fevral kuni «Real» La Liga doirasida «Osasuna» mehmoni bo‘ladi.