Londonning "Arsenal" klubi himoyachisi Rikardo Kalafyori joriy mavsum yakunidan so‘ng jamoani tark etishi mumkin.

Klub italiyalik futbolchining doimiy jarohatlaridan xavotirda, shu sababli uni sotib yuborish haqida o‘ylamoqda, deb xabar bermoqda "Football Insider". 23 yoshli futbolchi yaqindagina jarohatidan qutilib, Angliya kubogi doirasidagi "Uigan"ga qarshi o‘yinda maydonga tushishga tayyor edi, biroq o‘yinoldi chigalyozdi mashqlari paytida yana jarohat oldi.

"Arsenal" Rikardo Kalafyorini 2024 yilning yozida Italiyaning "Bolonya" klubidan 45 mln yevro evaziga sotib olgan edi. Hozirda futbolchining transfer qiymati "Transfermarkt" portali tomonidan 50 mln yevroga baholanmoqda.