Лондоннинг "Арсенал" клуби ҳимоячиси Рикардо Калафьори жорий мавсум якунидан сўнг жамоани тарк этиши мумкин.

Клуб италиялик футболчининг доимий жароҳатларидан хавотирда, шу сабабли уни сотиб юбориш ҳақида ўйламоқда, деб хабар бермоқда "Football Insider". 23 ёшли футболчи яқиндагина жароҳатидан қутилиб, Англия кубоги доирасидаги "Уиган"га қарши ўйинда майдонга тушишга тайёр эди, бироқ ўйинолди чигалёзди машқлари пайтида яна жароҳат олди.

"Арсенал" Рикардо Калафьорини 2024 йилнинг ёзида Италиянинг "Болонья" клубидан 45 млн евро эвазига сотиб олган эди. Ҳозирда футболчининг трансфер қиймати "Transfermarkt" портали томонидан 50 млн еврога баҳоланмоқда.