Klarens Zeedorf "Benfika" bosh murabbiyi Joze Mourinyoni Chempionlar Ligasi doirasidagi o‘yindan (1:2) keyin "Real" vingeri Vinisius Juniorga nisbatan aytgan so‘zlari uchun qoraladi.

"Menimcha, Joze Mourinyo hali ham hissiyotda. Menimcha, u bugun irqchilik haqoratlarini oqlashda katta xatoga yo‘l qo‘ydi va men bugun aynan shunday bo‘ldi demoqchi emasman, lekin u yana bir narsani aytib o‘tdi.

Uning aytishicha, Vinisius qayerga bormasin, shunaqa bo‘ladi. Ya’ni Vinisius seni provokasiya qilganda irqchi bo‘lish normal holat va menimcha bu juda noto‘g‘ri.

Biz hech qachon, hech qanday sharoitda irqchilik haqoratlarini oqlamasligimiz kerak. Odamlarning bunday noo‘rin xatti-harakatlari Vinisiusning joniga tegdi", - dedi "Real"ning sobiq yarimhimoyachisi o‘yindan keyin.