Кларенс Зеедорф "Бенфика" бош мураббийи Жозе Моуриньони Чемпионлар Лигаси доирасидаги ўйиндан (1:2) кейин "Реал" вингери Винисиус Жуниорга нисбатан айтган сўзлари учун қоралади.
"Менимча, Жозе Моуриньо ҳали ҳам ҳиссиётда. Менимча, у бугун ирқчилик ҳақоратларини оқлашда катта хатога йўл қўйди ва мен бугун айнан шундай бўлди демоқчи эмасман, лекин у яна бир нарсани айтиб ўтди.
Унинг айтишича, Винисиус қаерга бормасин, шунақа бўлади. Яъни Винисиус сени провокация қилганда ирқчи бўлиш нормал ҳолат ва менимча бу жуда нотўғри.
Биз ҳеч қачон, ҳеч қандай шароитда ирқчилик ҳақоратларини оқламаслигимиз керак. Одамларнинг бундай ноўрин хатти-ҳаракатлари Винисиуснинг жонига тегди", - деди "Реал"нинг собиқ яримҳимоячиси ўйиндан кейин.
