Mashhur sobiq futbolchi Pol Merson Londonning «Arsenal» jamoasi «Vulverxempton»ga qarshi o‘yinda yo‘qotilgan g‘alaba haqida o‘z fikrini bildirdi.

«Kanonirlar» 2:0 hisobida oldinda borayotgan edi, ammo g‘alabali hisobni saqlab qola olmadi — 2:2. Durangni «bo‘rilar»ga uchrashuvning 94-daqiqasida Rikardo Kalafyorining avtogoli olib keldi.

«Ikkinchi tempda o‘ynash mumkin emas. «Vulverxempton» hisobni tenglashtirganda, «Arsenal»da oldin bo‘lmagan qat’iyat paydo bo‘ldi. Buni qabul qilib bo‘lmaydi. Har bir o‘yin — final, oxirigacha eng yuqori darajadagi konsentrasiyani saqlash kerak», — dedi Merson Sky Sports kanaliga bergan izohida.

Mikel Arteta jamoasi musobaqa jadvalida peshqadam bo‘lib turibdi va «Manchester Siti»dan 5 ochko oldinda, «shaharliklar»da esa bitta zaxira o‘yini bor.