Angliya Premyer-ligasida chempionlik poygasi bilan bir qatorda, kelgusi mavsumda Yevropa Chempionlar ligasida ishtirok etish huquqini beruvchi 4-o‘rin uchun ham ayovsiz kurash ketmoqda. Opta superkompyuteri jamoalarning qolgan o‘yinlari va joriy formasidan kelib chiqib, kuchli to‘rtlikka kirish imkoniyatlarini foizlarda hisoblab chiqishdi.
Tahlil natijalari quyidagicha:
| Jamoa nomi | 4-o‘rinni egallash imkoniyati |
| «Chelsi» | 26,7% |
| «Liverpul» | 25% |
| «Manchester Yunayted» | 20% |
| «Aston Villa» | 15,1% |
Ko‘rib turganingizdek, matematik modellar ayni damda londonliklarni favorit sifatida ko‘rsatmoqda. Biroq «Liverpul» va «MYU» orasidagi farq juda kichik bo‘lib, har bir turdan keyin vaziyat tubdan o‘zgarib ketishi mumkin.
