Yevropa futbol assosiasiyalari ittifoqi (UEFA) Chempionlar ligasining umumiy bosqich 7-turidan o‘rin olgan Praganing “Slaviya” jamoasiga qarshi o‘yin (4:2) yakunlariga ko‘ra, “Barselona”ga 30,5 ming yevro miqdorida jarima soldi. Bu haqda UEFAga tayanib, Mundo Deportivo xabar bermoqda.

“Ko‘k-anorranglilar” muxlislar tomonidan fayerlar yoqilgani uchun 15,5 ming yevro to‘lashi talab etiladi. Yana 15 ming yevro miqdoridagi jarima Kataloniya klubiga maydonga chiqishning kechikishi sababli tayinlangan. Ta’kidlanishicha, ushbu kechikish “Barselona” bosh murabbiyi Hansi Flikning harakatlari tufayli yuzaga kelgan bo‘lib, u UEFA tomonidan kelgusida jazolanishi mumkin bo‘lgan ogohlantirish olgan.

Chempionlar ligasining umumiy bosqichi yakunlariga ko‘ra, Kataloniya klubi 16 ochko jamg‘ardi va beshinchi o‘rinni egallab, 1/8 finalga yo‘l oldi.