«Manchester Siti» ustozi Xosep Gvardiola ispaniyalik yarim himoyachi Rodri Ernandesning jamoa uchun naqadar muhim ahamiyatga ega ekanligi haqida to‘xtalib o‘tdi.

«Rodri hozircha o‘zining eng yaxshi sport formasida emas, biroq kun sayin uning holati yaxshilanib bormoqda. U — alohida futbolchi. Tajribasi ortgani sari u o‘yinni yanada yaxshiroq tushuna boshladi. «Manchester Siti» bu kabi futbolchilarsiz hozirgi darajadagi muvaffaqiyatlarga erisha olmagan bo‘lardi», — deya bosh murabbiyning so‘zlarini keltirmoqda PA agentligi.

Eslatib o‘tamiz, Rodri tizzasidagi xochsimon bog‘lamlar jarohati tufayli uzoq vaqtni lazaretda o‘tkazishga majbur bo‘lgan edi.

Joriy mavsumda Angliya Premyer-ligasi doirasida ispaniyalik futbolchi 14 ta uchrashuvda ishtirok etdi va o‘z hisobiga ikkita sariq kartochka yozdirib qo‘ydi.