«Манчестер Сити» устози Хосеп Гвардиола испаниялик ярим ҳимоячи Родри Эрнандеснинг жамоа учун нақадар муҳим аҳамиятга эга эканлиги ҳақида тўхталиб ўтди.
«Родри ҳозирча ўзининг энг яхши спорт формасида эмас, бироқ кун сайин унинг ҳолати яхшиланиб бормоқда. У — алоҳида футболчи. Тажрибаси ортгани сари у ўйинни янада яхшироқ тушуна бошлади. «Манчестер Сити» бу каби футболчиларсиз ҳозирги даражадаги муваффақиятларга эриша олмаган бўларди», — дея бош мураббийнинг сўзларини келтирмоқда PA агентлиги.
Эслатиб ўтамиз, Родри тиззасидаги хочсимон боғламлар жароҳати туфайли узоқ вақтни лазаретда ўтказишга мажбур бўлган эди.
Жорий мавсумда Англия Премьер-лигаси доирасида испаниялик футболчи 14 та учрашувда иштирок этди ва ўз ҳисобига иккита сариқ карточка ёздириб қўйди.
