Avstriya terma jamoasi va Germaniyaning «RB Leypsig» klubi yarim himoyachisi Kristof Baumgartner faoliyatini Italiya Seriya Asida davom ettirishi mumkin. Bu haqda jurnalist Ekrem Konur ijtimoiy tarmoqlar orqali xabar bermoqda.

Insayderning ma’lumotlariga ko‘ra, 26 yoshli avstriyalik futbolchining xizmatlariga «Milan» va «Inter» klublari qiziqish bildirmoqda. Har ikki Italiya klubi yarim himoyachiga Germaniyadagidan ko‘ra manfaatliroq shartlar taklif qilishga tayyor.

Baumgartnerning bozor qiymati 20 million yevroga baholanmoqda, uning amaldagi mehnat shartnomasi esa 2028 yilning yozida yakuniga etadi.

Joriy mavsumda Kristof «RB Leypsig» safida 25 ta uchrashuv o‘tkazib, 12 ta gol urdi va 7 ta golli uzatmani amalga oshirdi.