Австрия терма жамоаси ва Германиянинг «РБ Лейпциг» клуби ярим ҳимоячиси Кристоф Баумгартнер фаолиятини Италия Серия Асида давом эттириши мумкин. Бу ҳақда журналист Экрем Конур ижтимоий тармоқлар орқали хабар бермоқда.

Инсайдернинг маълумотларига кўра, 26 ёшли австриялик футболчининг хизматларига «Милан» ва «Интер» клублари қизиқиш билдирмоқда. Ҳар икки Италия клуби ярим ҳимоячига Германиядагидан кўра манфаатлироқ шартлар таклиф қилишга тайёр.

Баумгартнернинг бозор қиймати 20 миллион еврога баҳоланмоқда, унинг амалдаги меҳнат шартномаси эса 2028 йилнинг ёзида якунига этади.

Жорий мавсумда Кристоф «РБ Лейпциг» сафида 25 та учрашув ўтказиб, 12 та гол урди ва 7 та голли узатмани амалга оширди.