"Real Madrid" bosh murabbiyi Alvaro Arbeloa La Liga doirasida safarda "Osasuna"ga qarshi bo‘lib o‘tadigan muhim o‘yin oldidan o‘z fikrlarini bildirdi. Mutaxassisning ta’kidlashicha, "El Sadar" stadionida mehmon bo‘lish har doim qiyin kechgan.

"Osasuna" o‘z uyida ikki oydan beri mag‘lubiyat nimaligini bilmay kelmoqda, jamoa ajoyib sport formasida. "Real" uchun bu stadionda o‘ynash qanchalik murakkab ekanini yaxshi bilamiz. Men futbolchi sifatida u yerda faqat bir marta g‘alaba qozonganman. Bizni shiddatli jang kutmoqda. Uch ochkoni qo‘lga kiritish uchun eng yaxshi tarzda tayyorgarlik ko‘rishimiz zarur", — deya Arbeloaning so‘zlarini keltiradi "AS".

Ayni damda "Real" La Ligada 60 ochko bilan peshqadamlik qilmoqda, ikkinchi o‘rindagi "Barselona" (58 ochko) esa ularni izma-iz ta’qib etmoqda.