"Реал Мадрид" бош мураббийи Альваро Арбелоа Ла Лига доирасида сафарда "Осасуна"га қарши бўлиб ўтадиган муҳим ўйин олдидан ўз фикрларини билдирди. Мутахассиснинг таъкидлашича, "Эл Садар" стадионида меҳмон бўлиш ҳар доим қийин кечган.
"Осасуна" ўз уйида икки ойдан бери мағлубият нималигини билмай келмоқда, жамоа ажойиб спорт формасида. "Реал" учун бу стадионда ўйнаш қанчалик мураккаб эканини яхши биламиз. Мен футболчи сифатида у ерда фақат бир марта ғалаба қозонганман. Бизни шиддатли жанг кутмоқда. Уч очкони қўлга киритиш учун энг яхши тарзда тайёргарлик кўришимиз зарур", — дея Арбелоанинг сўзларини келтиради "AS".
Айни дамда "Реал" Ла Лигада 60 очко билан пешқадамлик қилмоқда, иккинчи ўриндаги "Барселона" (58 очко) эса уларни изма-из таъқиб этмоқда.
