"Barselona"ning shu yozdagi asosiy transfer ustuvorligi — ingliz hujumchisi Markus Reshfordni jamoa tarkibida saqlab qolish. Bu haqda futbol insayderi Alesh Garsiya yozmoqda.
Biroq, futbolchi ijara asosida to‘p surmoqda va transfer huquqi "Manchester Yunayted"ga tegishli. Agar "Barselona" ijara muddatini uzaytirish yoki sotib olish summasini kamaytirish borasida kelisha olmasa (bu mablag‘ "ko‘k-anorranglilar" uchun ancha yuqori), klub muqobil variantlarni ko‘rib chiqishga tayyor. Bu boradagi asosiy nomzod — Fransiyaning "Lion" klubida o‘ynayotgan 20 yoshli belgiyalik hujumchi Malik Fofana.
Fofana 2024 yilda "Gent"dan "Lion"ga o‘tgan edi. Joriy mavsumda u klub safida 12 ta o‘yinda maydonga tushib, 2 ta gol urdi va 1 ta golli uzatmani amalga oshirdi.
