"Барселона"нинг шу ёздаги асосий трансфер устуворлиги — инглиз ҳужумчиси Маркус Рэшфордни жамоа таркибида сақлаб қолиш. Бу ҳақда футбол инсайдери Алеш Гарсия ёзмоқда.

Бироқ, футболчи ижара асосида тўп сурмоқда ва трансфер ҳуқуқи "Манчестер Юнайтед"га тегишли. Агар "Барселона" ижара муддатини узайтириш ёки сотиб олиш суммасини камайтириш борасида келиша олмаса (бу маблағ "кўк-анорранглилар" учун анча юқори), клуб муқобил вариантларни кўриб чиқишга тайёр. Бу борадаги асосий номзод — Франциянинг "Лион" клубида ўйнаётган 20 ёшли бельгиялик ҳужумчи Малик Фофана.

Фофана 2024 йилда "Гент"дан "Лион"га ўтган эди. Жорий мавсумда у клуб сафида 12 та ўйинда майдонга тушиб, 2 та гол урди ва 1 та голли узатмани амалга оширди.