«Tottenxem» bosh murabbiyi Igor Tudor jamoaning Premyer-liga turnir jadvalidagi ayanchli holati haqida gapirib o‘tdi.

Yakshanba kuni o‘z maydonida kechgan derbida «shporlar» «Arsenal»dan yirik hisobda mag‘lubiyatga uchradi — 1:4. 27 turdan so‘ng «Tottenxem» chempionatda 16-o‘rinni egallab turibdi, xavfli hududdan (quyi ligaga tushib ketish zonasidan) masofa esa bor-yo‘g‘i to‘rt ochkoni tashkil etmoqda.

Yirik mag‘lubiyatdan so‘ng jurnalistlar vaqtinchalik murabbiyga navbatdagi bor jamoaning Chempionshipga tushib ketish xavfi haqida savol berishdi, biroq u hali ham vaziyatni o‘nglashga ishonishini ta’kidladi.

«Albatta, men bunga to‘liq ishonaman. Menimcha, bizda yomon odatlarga ega bo‘lgan yaxshi futbolchilar bor. Ular sifatli o‘yinchilar va hech kim ularda mahorat yetishmaydi deb ayta olmaydi. Vazifamiz — mentalitetni o‘zgartirish va o‘yinning ilk daqiqalaridanoq maksimal darajada diqqatni jamlash», — dedi Tudor.

1 mart kuni «Tottenxem» safarda «Fulxem»ga qarshi maydonga tushadi.