«Тоттенхэм» бош мураббийи Игор Тудор жамоанинг Премьер-лига турнир жадвалидаги аянчли ҳолати ҳақида гапириб ўтди.

Якшанба куни ўз майдонида кечган дербида «шпорлар» «Арсенал»дан йирик ҳисобда мағлубиятга учради — 1:4. 27 турдан сўнг «Тоттенхэм» чемпионатда 16-ўринни эгаллаб турибди, хавфли ҳудуддан (қуйи лигага тушиб кетиш зонасидан) масофа эса бор-йўғи тўрт очкони ташкил этмоқда.

Йирик мағлубиятдан сўнг журналистлар вақтинчалик мураббийга навбатдаги бор жамоанинг Чемпионшипга тушиб кетиш хавфи ҳақида савол беришди, бироқ у ҳали ҳам вазиятни ўнглашга ишонишини таъкидлади.

«Албатта, мен бунга тўлиқ ишонаман. Менимча, бизда ёмон одатларга эга бўлган яхши футболчилар бор. Улар сифатли ўйинчилар ва ҳеч ким уларда маҳорат етишмайди деб айта олмайди. Вазифамиз — менталитетни ўзгартириш ва ўйиннинг илк дақиқалариданоқ максимал даражада диққатни жамлаш», — деди Тудор.

1 март куни «Тоттенхэм» сафарда «Фулхэм»га қарши майдонга тушади.