«Dinamo»ning Dubay yig‘inidagi so‘nggi mashg‘ulotlaridan birida jamoa hujumchilaridan biri Mirjahon Mirahmadov jarohat olib, klub shifokorlari yordamida maydonni tark etgandi.
O‘tkazilgan tibbiy tekshiruvlar natijasiga ko‘ra, Mirjahon Mirahmadovning chap oyoq tizza xochsimon paylarining uzilgani aniqlandi.
Klub tibbiy bo‘limining ma’lum qilishicha, jamoa hujumchisi tez orada tizzasidan jarrohlik amaliyotini o‘tkazadi. Operasiyadan so‘ng Mirahmadovning to‘liq tiklanib, safga qaytishi uchun 5-6 oy vaqt talab etilishi taxmin qilinmoqda.













