"Real"ning sobiq yarimhimoyachisi Sami Xedira "Benfika" forvardi Janluka Prestiannidan "Real" vingeri Vinisiusga nisbatan irqchilik bilan bog‘liq vaziyatga izoh berdi.
Vinisius Prestiannini "maymun" deb atashda aybladi. Argentinalik futbolka bilan og‘zini to‘sgan, shuning uchun lablaridan o‘qishning iloji bo‘lmagan.
"Nima bo‘lganini hech kim aniq bilmaydi. Hech qayerda, hatto minbarlarda ham irqchilikka o‘rin yo‘q, degan fikrga hammamiz qo‘shilamiz.
Agar bu so‘z aytilgan bo‘lsa, unga yo‘l qo‘yib bo‘lmaydi va tergovdan so‘ng qattiq jazoga tortilishi kerak.
Vini ba’zan odamlarning jig‘iga tegishi yangilik emas. U Krishtianu Ronaldu va Lionel Messi kabi millionlab bolalarga o‘rnak bo‘lishini tushunishi kerak.
Krishtianu ham faoliyatining boshida ko‘p xudbinlik qilgan... O‘zining ta’sirini anglab yetib, yetakchilik rolini o‘z zimmasiga olmaguncha. Bu Vini uchun keyingi qadam.
Bularning hech biri irqchilik haqoratlarini oqlamaydi. Hech kim boshqa birovni terisining rangi yoki kelib chiqishiga qarab kamsitishga haqli emas.
Buni shuncha marta takrorlashga to‘g‘ri kelayotgani achinarli", - dedi Sami Xedira.
