Ilgari madridning «Real» klubini boshqargan Karlo Anchelottining bir paytlar Toni Kroos bilan aytishib qolgani haqida xabar bergan edik. Germaniyalik yarim himoyachi sobiq ustozining so‘zlariga tezkorlik bilan munosabat bildirdi. U o‘sha voqea haqida nima deb o‘ylashini so‘zlab berdi.
«Meni almashtirish xato edi, bunga shubha yo‘q. Lekin Karlo Anchelotti men uchun baribir dunyoning eng yaxshi murabbiyi bo‘lib qolaveradi. Va men doim shunday deb hisoblayman», — deya Kroosning so‘zlarini keltiradi «derbyderbyderby.it» nashri.
Eslatib o‘tamiz, Kroos 2014 yildan 2024 yilgacha «Real» sharafini himoya qilgan va shundan so‘ng faoliyatini yakunlagan edi. Anchelotti esa ayni damda Braziliya terma jamoasini boshqarmoqda.













