Илгари мадриднинг «Реал» клубини бошқарган Карло Анчелоттининг бир пайтлар Тони Кроос билан айтишиб қолгани ҳақида хабар берган эдик. Германиялик ярим ҳимоячи собиқ устозининг сўзларига тезкорлик билан муносабат билдирди. У ўша воқеа ҳақида нима деб ўйлашини сўзлаб берди.
«Мени алмаштириш хато эди, бунга шубҳа йўқ. Лекин Карло Анчелотти мен учун барибир дунёнинг энг яхши мураббийи бўлиб қолаверади. Ва мен доим шундай деб ҳисоблайман», — дея Крооснинг сўзларини келтиради «derbyderbyderby.it» нашри.
Эслатиб ўтамиз, Кроос 2014 йилдан 2024 йилгача «Реал» шарафини ҳимоя қилган ва шундан сўнг фаолиятини якунлаган эди. Анчелотти эса айни дамда Бразилия терма жамоасини бошқармоқда.
