«Real Madrid» muxlislari Chempionlar ligasi o‘tish bosqichi doirasidagi «Benfika»ga qarshi javob o‘yini boshida Vinisius Juniorni hushtakbozlik bilan kutib olishdi.
O‘yin avvalida «Madrid» fanatlari Braziliya terma jamoasining 25 yoshli vingeriga to‘p tushgan har bir vaziyatda baland ovozda hushtak chalishdi. Birinchi bo‘lim davomida futbolchiga nisbatan bo‘layotgan bunday bosim to‘xtadi.
Eslatib o‘tamiz, Portugaliyada o‘tgan ilk uchrashuvda «Real» 1:0 hisobida g‘alaba qozongan edi. O‘sha bahsning ikkinchi bo‘limida Vinisius hakam Fransua Leteksyega Janluka Prestianni og‘zini libosi bilan to‘sgan holda uni «maymun» deb ataganini aytgandi. «Benfika» vingeri keyinchalik braziliyalik futbolchini irqiy mansubligi bo‘yicha haqorat qilmaganini ta’kidladi. UYEFA argentinalik futbolchini vaqtinchalik chetlatgan bo‘lib, u bugungi uchrashuvni o‘tkazib yubormoqda.
