"Liverpul" yarim himoyachisi Rayan Gravenberx "Real" qiziqishlari doirasiga tushib qoldi. Touchline ma’lumotlariga ko‘ra, "qaymoqranglilar"ning yarim himoya chizig‘ini kuchaytirishdagi asosiy maqsadi "PSJ" a’zosi Vitinya bo‘lib turibdi.

Agar Madrid klubi portugaliyalik futbolchi bilan shartnoma imzolay olmasa, unda e’tiborini Gravenberxga qaratadi. Gollandiyalik futbolchi Vitinyaga muqobil variant sifatida ko‘rilmoqda.

Rayan Gravenberx 2023 yilda "Bavariya"dan "Liverpul"ga 40 million yevro evaziga o‘tgan edi. Uning shartnomasi 2028 yil 30 iyungacha mo‘ljallangan.

Joriy mavsumda yarim himoyachi "qizillar" safida barcha turnirlarda 33 ta o‘yin o‘tkazib, 4 ta gol urdi va 4 ta golli uzatmani amalga oshirdi. Transfermarkt portali uni 90 million yevroga baholamoqda.