"Ливерпуль" ярим ҳимоячиси Райан Гравенберх "Реал" қизиқишлари доирасига тушиб қолди. Touchline маълумотларига кўра, "қаймоқранглилар"нинг ярим ҳимоя чизиғини кучайтиришдаги асосий мақсади "ПСЖ" аъзоси Витинья бўлиб турибди.
Агар Мадрид клуби португалиялик футболчи билан шартнома имзолай олмаса, унда эътиборини Гравенберхга қаратади. Голландиялик футболчи Витиньяга муқобил вариант сифатида кўрилмоқда.
Райан Гравенберх 2023 йилда "Бавария"дан "Ливерпуль"га 40 миллион евро эвазига ўтган эди. Унинг шартномаси 2028 йил 30 июнгача мўлжалланган.
Жорий мавсумда ярим ҳимоячи "қизиллар" сафида барча турнирларда 33 та ўйин ўтказиб, 4 та гол урди ва 4 та голли узатмани амалга оширди. Transfermarkt портали уни 90 миллион еврога баҳоламоқда.
