"Liverpul" bosh murabbiyi Arne Slot Chempionlar ligasi hududidagi o‘rinlar uchun kurash haqida fikr bildirdi. Mersisaydliklar ayni damda Premyer-liga turnir jadvalida oltinchi pog‘onani egallab turibdi.

"Ertaga bizni navbatdagi o‘yin kutmoqda. Biz boshqa jamoalarga unchalik e’tibor qaratmayapmiz. Birinchi navbatda o‘z o‘yinimizga diqqat qilganmiz. Shuni bilamizki, biz ko‘p o‘yinlarda g‘alaba qozonishimiz kerak, chunki Chempionlar ligasi yo‘llanmasi uchun kurashdagi raqobatchilarimiz ham juda kuchli jamoalardir. Iloji boricha tez-tez g‘alaba qozonish — bizning asosiy maqsadimiz. Biz, albatta, turnir jadvalini kuzatib boryapmiz, lekin bor e’tiborimizni ochkolar va farqlarga qaratganimiz yo‘q", — dedi Slot jurnalistlarga.

Shanba kuni "Liverpul" o‘z maydonida "Vest Xem"ni qabul qiladi.